Aus wasde scho immer über üs hesch wöue wüsse.

Warum eigentlech "mwb24"?

Üse Chor isch anno 1924 gründet worde. Darum das ominöse "24" i üsem Name. So eifach isch das.

Wieviu Sänger sit dir?
Aktuell heimer 23 Sänger i üsem Chor. Acht im erste Tenor, vier im zwöite Tenor, füf im erste Bass und füf im zwöite Bass. Und natürlech üse Hubi, der Dirigänt. Dä singt übrigens ou immer tatchräftig mit.

Wenn und wo üebet dir?
Üsi Singprobe finde immer am Donnsti Aabe abde achte im ehemalige Schueuhuus Wattewiu-Bangerte statt. Ir heufti gits übrigens immer es Bierli oder süsch öppis flüssigs. O dä Teil darf bi üs nie fählä. A nöie Sänger heimer natürlech wahnsinnig Fröid. Wede auso Luscht hesch, bi üs cho z singe, de chunsch am beste eifach mau verby.